काठमाडौं । साविक नेपाल इन्भेष्टमेन्ट बैंकले आफ्ना सेयरधनीहरुलाई नगद लाभांश खातामा पठाउन सुरु गरेको छ ।
बैंकको पुस ७ गते बसेको साधारण सभाले सेयरधनीलाई जम्मा ४ प्रतिशत बोनस सेयर र ७ प्रतिशत नगद लाभांश (करसहित) वितरण गर्ने प्रस्ताव पारित गरेको थियो ।
बैंकले डिम्याट खातामा बैंक खाता अद्यावधिक गराएका सेयरधनीलाई ७ प्रतिशत नगद लाभांश (करसहित) जम्मा गर्न सुरु गरेको जनाएको छ ।
यता, लाभांश खातामा नआएका सेयरधनीहरुलाई डिम्याट खातामा बैंक खाता अद्यावधिक गर्न बैंकले भनेको छ ।
बैंकले सेयर अभौतिकीकरण (डिम्याट) नगरेका सेयरधनीहरुले पनि सेयर डिम्याट गर्न बैंकले अनुरोध गरेको छ ।
वि.सं.२०७९ माघ २ सोमवार १०:४७ मा प्रकाशित
