काठमाडौं । नेपाल राष्ट्र बैंकले आयातमा लागु गरिएको नगद मार्जिनको ब्यबस्था खारेज गरेको छ। आज एकीकृत परिपत्र जारी गर्दै केन्दीय बैंकले सबै प्रकारको नगद मार्जिनको व्यवस्था हटाएको जनाएको छ ।
विभागले राष्ट्र बैंकबाट विदेशी विनिमय कारोबार गर्न इजाजतपत्रप्राप्त निकायलाई जारी गरिएको एकीकृत परिपत्र-२०७८ को इ.प्रा. परिपत्र : ०१ / २०७८ को दफा १.१७ लाई खारेज गरेको हो । उक्त दफामा आयात गर्दा नगद मार्जिन राख्नु पर्ने ब्यबस्था थियो ।
राष्ट्र बैंक नेपालमा वैदेशिक मुद्राको संचितकम भएको भन्दै आयातलाई निरुत्साहित गर्न ले गत वर्ष माघ २६ गते आयातमा नगद मार्जिनको व्यवस्था ल्याएको थियो । गत महिना केन्द्रीय बैंकको निर्माण सामग्रीहरुको आयातमा नगद मार्जिनको व्यवस्था हटाएको थियो ।
वि.सं.२०७९ माघ ५ बिहीवार १७:३१ मा प्रकाशित
