काठमाडौं । साताको दोस्रो कारोबार दिन सेयर बजारमा दोहोरो अंकको गिरावट आएको छ । उक्त दिन सेयर बजार ४१.०१ अंकले घटेको हो ।
उक्त दिन नेप्से परिसुचक २१२७.५२ अंकको बिन्दुमा पुगेर बन्द भएको छ । आज सेयर बजार घट्दा ३ अर्ब ३० करोड २२ लाख १ हजार रुपैंया बराबरको कारोबार भएको छ ।
आज नेप्सेमा सूचिकृत २५६ कम्पनीको ८८ लाख ३६ हजार ४८८ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै छाएको छ ।
सेयर बजारमा गिरावट आउँदा यूनाइटेड इदी मार्दी हाइड्रोपावर कम्पनीको सेयर मूल्य उच्च दरमा घटेको छ । कम्पनीको सेयर मूल्य ७.१४ प्रतिशतले घटेको छ ।
त्यस्तै, शवेत गंगा हाइड्रोपावरको ६.७१ प्रतिशत, सूर्योदयसगरमाथा इन्स्योरेन्सको ६.४४ प्रतिशत, सयपत्री हाइड्रोपावरको ५.८० प्रतिशतले सेयर मूल्य घटेको छ ।
वि.सं.२०७९ माघ १६ सोमवार १५:०८ मा प्रकाशित
