काठमाडौं । यस साता नेपाल स्टक एक्स्चेन्ज (नेप्सेमा) दुई बैंकसहित पाँच कम्पनीको बोनस सेयर सूचिकृत भएको छ ।
पाँच कम्पनीको ३ करोड ३४ लाख ३७ हजार ३०९.५८२ कित्ता बोनस सेयर सूचीकृत भएको हो ।
हिमालयन बैंक लिमिटेडको ८ प्रतिशत बोनस बापतको १ करोड ३ लाख ७४ हजार ९८०.५८ कित्ता सूचिकृत भएको हो ।
त्यसैगरी, ग्लोबल आइएमई बैंकको ३ प्रतिशत बोनस बापतको ७१ लाख ३८ हजार ७२६ कित्ता, राधी विद्युत कम्पनीको ४.७५ प्रतिशत बोनस बापतको ७ लाख ५९ हजार ९९०.८४२ कित्ता, नेशनल लाइफ इन्स्योरेन्सको १५ प्रतिशत बोनस बापतको ६० लाख ५२ हजार ७३७.२३ कित्ता र हिमालयन डिस्टीलरीको ६० प्रतिशत बोनस बापतको ९१ लाख १० हजार ८७४.९३ कित्ता गरी जम्मा ३ करोड ३४ लाख ३७ हजार ३०९.५८२ कित्ता बोनस सेयर सूचीकृत भएको हो ।
सूचीकृतपश्चात् यी पाँचै वटा कम्पनीको सेयर सम्बन्धित सेयरधनीको हितग्राही खातामा जम्मा भएपछि सेयरबजारमा कारोबार गर्न मिल्नेछ ।
वि.सं.२०७९ फागुन ६ शनिवार १३:२३ मा प्रकाशित
