काठमाडौं । बिहीबार पनि सेयर बजार पहिरो गएको छ । उक्त दिन सेयर बजार ५७.७४ अंकले घटेको हो ।
उक्त दिन नेप्से परिसुचक २०२२.७४ अंकको बिन्दुमा पुगेर बन्द भएको छ । आज सेयर बजार घट्दा २ अर्ब ५२ करोड २७ लाख १३ हजार रुपैंया बराबरको कारोबार भएको छ ।
आज नेप्सेमा सूचिकृत २६० कम्पनीको ६३ लाख २६ हजार १०५ कित्ता सेयर किनबेच भएको छ । आज नेप्सेमा सबै उपसूचकमा राताम्मै भएको छ ।
सेयर बजारमा गिरावट आउँदा नेपाल हाइड्रो डेभलपरको कम्पनीको लगानीकर्ताले सर्वाधिक कमाएको छ । कम्पनीको सेयर मूल्य ४.८२ प्रतिशतले बढेको छ ।
त्यसैगरी साम्लिङ्ग पावर कम्पनीको ४.७७ प्रतिशत, सिद्धार्थ इन्भेष्टमेन्ट ग्रोथको ३.४३ प्रतिशत, प्रभु बैंक डिभेन्चर २०८४ को १.९९ प्रतिशत, सानिमा लार्ज क्याप फण्डको, १.९२प्रतिशतले सेयर मूल्य बढेको छ ।
वि.सं.२०७९ फागुन ११ बिहीवार १५:०७ मा प्रकाशित