काठमाडौं । आत्मनिर्भर लघुवित्त वित्तीय संस्था लिमिटेडको कम्पनीको आईपीओ फागुन २८ गते बाँडफाँट सम्पन्न भयो । बिक्री प्रबन्धक सनराइज क्यापिटलका अनुसार लघुवित्तको सेयर १६ हजार ९ सय ७६ जनाले पाएका छन् । सेयर पाएका १६ हजार ९ सय ७६ जना मध्ये ५ जनाले ११ कित्ता शेयर पाएका छन् भने बाँकिले १० कित्ता शेयर पाएका छन् ।
कम्पनीले फागुन ११ गतेदेखि फागुन १५ गतेसम्म आईपिओ निष्काशन गरेको थियो। कम्पनीले ३ हजार १ सय १७ कित्ता कम्पनीको कर्मचारीको लागि छुट्याई, १० हजार १ सय ७० कित्ता सामुहिक लगानी कोषहरुलाई बाँडफाँड गरि , १ लाख ६९ हजार ५५ कित्ता शेयरको लागि आम सर्बसाधारणको लागि निष्काशन गरेको थियो।
आइपीओ पाउने शेयरधनीहरुमा यतिबेला लघुवित्तको आइपीओले ओपनिङ्ग रेञ्ज कति पाउला भन्ने कौतुहलताको विषय बनेको छ । लघुवित्तले पहिलो कारोबारको लागि ३७१ रुपैयाँ ८० पैसादेखि ११५ रुपैयाँ ४ पैसासम्म पाउने देखिएको छ ।
नेप्सले कुनैपनि कम्पनीको वास्तविक नेटवर्थको आधारमा पहिलो कारोबारका लागि आपनिङ रेञ्ज तोक्ने गर्दछ । यसर्थ संस्थाको आर्थिक वर्ष २०७७.७८ को वास्तविक प्रतिशेयर ३७१.८२ रुपैयाँ रहेको छ ।
वि.सं.२०७९ फागुन २९ सोमवार १९:४७ मा प्रकाशित
