काठमाडौं । बिपिडब्लु लघुवित्त वित्तीय संस्था लिमिटेडको आईपीओ बाँडफाँड गर्ने तयारी भएको छ । बिक्री प्रबन्धक मेगा क्यापिटल मार्केट्सका अनुसार आज चैत १ गते प्रिअलटमेन्ट सम्पन्न भएको र शुक्रबार ( चैत ३ गते) बाँडफाँड गर्ने तयारी रहेको बताएको हो ।
कम्पनीको आइपीओमा अन्तिम दिन सम्म १५ लाख ३२ हजार ९७३ जना आवेदकबाट १ अर्ब ६७ करोड ६५ लाख ५ हजार रुपैयाँ बराबरको १ करोड ६७ लाख ६५ हजार ५० कित्ता शेयरको लागि आवेदन परेको छ । यो सर्वसाधारणलाई छुट्टाएको ८० हजार ९५० कित्ता शेयरको २०७.१० गुणा बढी हुन आउँछ ।
कम्पनीको आइपीओ पाउन भाग्य कै भर पर्नु पर्ने अवस्था रहेको छ । गोलाप्रथाबाट आइपीओ बाँडफाँड गर्दा ५ हजार ४७५ जनाले मात्र १० कित्ता आइपीओ हात पार्ने देखिएको छ । झण्डै १५ भन्दा बढी आवेदनको हात खाली हुने देखिएको छ ।
कम्पनीले फागुन १८ गतेदेखि आफ्नो जारी पुँजी ३ करोड रुपैयाँको ८० लाख ९५ हजार रुपैयाँ बराबरको आइपीओ बिक्री गरेको हो ।
जसअनुसार प्रतिसेयर १ सय अंकित मूल्यमा ८० हजार ९५० कित्ता सेयर निष्काशन हुनेछ । यसमध्ये ९ हजार ७ कित्ता सेयर वैदेशिक रोजगारीमा रहेका नेपालीहरुलाई निष्काशन गरि बाँडफाँड गरिसकेको छ ।
यस्तै, जारी पुँजीको १ हजार ५०० कित्ता सेयर कर्मचारीलाई र १५ हजार कित्ता सामूहिक लगानी कोषका लागि सुरक्षित गरिएको छ । बाँकी रहेको ५४ हजार ७५० कित्तामा सेयरमा सर्वसाधारण लगानीकर्ताले आवेदन दिन सक्ने व्यवस्था रहेको थियो ।
वि.सं.२०७९ चैत १ बुधवार १३:०२ मा प्रकाशित
