काठमाडौं । नयाँ सारथी लघुवित्त वित्तीय संस्थाले १४ औं वार्षिक साधारण सभा बोलाएको छ । सभा होटल जुगल धुलिखेल काभ्रेपलाञ्चोकमा चैत २८ गते दिउँसो १ बजे सुरु हुनेछ ।
साधारण सभामा यस लघुवित्तले गत आर्थिक वर्षको नाफाबाट १९ प्रतिशत बोनस सेयर र कर तिर्न १ प्रतिशत नगद लाभांश गरी कुल २० प्रतिशत लाभांश वितरण गर्ने प्रस्ताव पेश गर्नेछ ।
यस्तै, प्रबन्धपत्र तथा नियमावली संशोधन गर्ने अख्तियारी सञ्चालक समितिलाई प्रदान गर्ने प्रस्ताव पनि रहेको छ । गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरणलगायतमा पनि छलफल हुनेछ । आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा रहेको छ ।
त्यस्तै, नयाँ सारथी र विजय लघुवित्तबीच हुने मर्जर प्रक्रियालाई पुरा गर्न सञ्चालक समितिलाई अख्तियारी प्रदान गर्नेछ । १ः१ स्वाप रेसियो अनुपातमा स्वाप रेसियो पारित गर्ने एजेन्डा छ ।
साथै, दुई लघुवित्त मर्ज भएपछि सेयर पुँजी संरचना परिपर्तन हुने भएकाले वित्तीय संस्थाको अधिकृत पुँजी, जारी पुँजी तथा थप सार्वजनिक निष्कासन (एफपीओ) सहित चुक्ता पुँजी वृद्धि गर्ने प्रस्ताव पनि छ ।
सभा प्रयोजनका लागि संस्थाले चैत १५ गतेदेखि चैत २८ गतेसम्म बुक क्लोज गर्ने भएको छ । त्यसकारण, चैत १४ गतेसम्म कायम रहेका सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०७९ चैत ६ सोमवार १०:५१ मा प्रकाशित
