काठमाडौं । बरुण हाइड्रोपावर कम्पनी लिमिटेडले नयाँ संचालक समिति गठन गरेको छ । कम्पनीको फागुन २८ गते सम्पन्न १९औं वार्षिक साधारण सभाबाट ७ जना संचालकहरु निर्विरोध निर्वाचित भएका हुन् ।
साधारण सभापश्चात् कम्पनीको चैत ६ गते बसेको संचालक समितिको बैठकबाट संचालक समितिको अध्यक्षमा डा. भुषण गुरागाईलाइ चयन गरेको छ ।
त्यस्तै, अन्य संचालकहरुमा डा. अभिनव दाहाल, रमेश अधिकारी, सौरभ गुरागाई, सुदिप बासकोटा, पुनम कार्की र स्वतन्त्र संचालकमा सम्झना तजले रहेका छन् ।
त्यसैगरी, कम्पनीको कम्पनी सचिवको करार अवधि चैत १ गते सकिएकोले कम्पनी सचिवमा अधिवत्ता प्रकाश भुजेललाई नियुक्त गरेको कम्पनीले जनाएको छ ।
वि.सं.२०७९ चैत ८ बुधवार ११:१४ मा प्रकाशित
