काठमाडौं । आज चैत ९ गते, बिहीबार, जनउत्थान लघुवित्त वित्तीय संस्था लिमिटेडको लाभांश सुरक्षित गर्ने अन्तिम दिन रहेको छ। लघुवित्तले साधारण सभा तथा लाभांश वितरण प्रयोजनार्थ भोली अर्थात चैत १० गते बुकक्लोज गर्ने भएको छ ।
यसकारण, आजसम्म नेप्सेमा कारोबार भइ कायम शेयरधनीहरुले लघुवित्तको साधारण सभा तथा लघुवित्तले वितरण गर्ने लाभांश प्राप्त गर्न सक्नेछन्। लघुवित्तले हाल कायम चुक्ता पूँजीको १५ प्रतिशतका दरले बोनस शेयर र सोको कर प्रयोजनार्थ ०.७८९५ प्रतिशत नगद लाभांश वितरण गदैछ।
सोही लाभांश पारित गर्न लघुवित्तले चैत २६ गते, आइतबार, होटल न्यू इरा, बुटवल महानगरपालिका वडा नं. ९, कालिकापथ, रुपन्देहीमा १२ औँ वार्षिक साधारण सभा बोलाएको छ। सो सभा बिहान ११ बजे शुरु हुनेछ।
वि.सं.२०७९ चैत ९ बिहीवार १०:५३ मा प्रकाशित
