काठमाडौं । माई खोला हाइड्रोपावरको आइपीओमा १ अर्ब १७ करोड ३० लाख १२ हजार रुपैयाँको आवेदन परेको छ ।
सिडिएस एण्ड क्लियरिङ्गका अनुसार आज आज (वैशाख ११ गते) सम्ममा १० लाख ४६ हजार ६५ जना आवेदकले १ करोड १७ लाख ३० हजार १२० कित्ताको लागि आवेदन दिएका हुन् ।
यो सर्वसाधारणलाई निष्काशनमा ल्याएको १२ लाख ६९ हजार ४११ कित्ता शेयरको ९.२४ गुणा बढी आवेदन हो ।
कम्पनीले बैशाख ८ गते शुक्रबारदेखि सर्वसाधारणका लागि प्रतिकित्ता १०० रुपैयाँको दरले १२ लाख ६९ हजार ४११ कित्ता सेयर बिक्री खुला गरेको हो ।
कम्पनीले कुल १५ लाख २९ हजार ४११ कित्ता सेयरमध्ये ७६ हजार ४७१ कित्ता म्युचुअल फन्ड र ३० हजार ५८८ कित्ता सेयर कर्मचारीका लागि सुरक्षित गरी बाँकी रहेको सेयर सर्वसाधारणलाई खुला गरेको हो । यसमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ ।
वैशाख १२ गतेसम्म आवेदन दिन सकिनेछ । आयोजना प्रभावित स्थानीय र वैदेशिक रोजगारीमा रहेका नेपालीका लागि यसअघि नै आइपीओ बिक्री गरिसकेको छ ।
वि.सं.२०८० वैशाख ११ सोमवार १७:४२ मा प्रकाशित