काठमाडौं । साताको दोस्रो कारोबार दिन सेयर बजारमा सामान्य अंकले गिरावट आएको छ । उक्त दिन बजार ३.३४ अंकले घटेर १८१८ को विन्दुमा कायम हुन पुगेको हो ।
उक्त दिन ७२ करोड ४९ लाख ६९ हजार रुपैंया बराबरको कारोबार भएको छ । आज नेप्सेमा कारोबार भएको २६६ कम्पनीको २३ लाख ४१ हजार २४० कित्ता सेयर किनबेच भएको छ । आज नेप्सेमा रहेको ९ वटा उपसूचकमा राताम्मै भएको छ ।
उक्त दिन सबैभन्दा बढी एनआइसी एशिया बैंकको कारोबार भएको छ । आज कम्पनीको ३ करोड ४ लाख २९ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सगरमाथा लुम्बिनी इन्स्योरेन्सको २ करोड ९८ लाख ७५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नागरिक लगानी कोषको २ करोड ४३ लाख ५८ हजार रुपैयाँ, प्रभु बैंकको २ करोड ४२ लाख २८ हजार रुपैयाँ र शिभम् सिमेन्ट्सको २ करोड १९ लाख २८ हजार रुपैयाँको कारोबार भएको हो ।
वि.सं.२०८० जेठ १ सोमवार १५:०५ मा प्रकाशित