काठमाडौं । विगत केही दिन देखि एभरेष्ट बैंकको बारेमा विभिन्न संचार माध्यम तथा सामाजिक संजालमा प्रकाशित समाचार प्रति बैंकले गम्भिर ध्यानाकर्षण गराएको छ ।
केही समय पहिला बैंकका एक कर्मचारीले ग्राहकको खाताबाट अनाधिकृत रुपले रकमान्तर गरेकाले बैंकले तत्काल आन्तरिक अनुसन्धान गरी सम्बन्धित ग्राहकको खातामा उक्त रकम शोधधर्ना गरी नेपाल राष्ट्र बैंकलाई जानकारी गराई सो हिनामिना कार्यमा संलग्न कर्मचारीलाई बैंककै जाहेरीमा मिति २०७९ चैत १२ गते प्रहरीलाई जिम्मा लगाएको र हाल सो विषयमा प्रहरी अनुसन्धानमा रहेको जानकारी गराएको छ ।
बैंकले भनेको छ, ‘हामीले हाम्रा ग्राहकहरुको खाता र व्यक्तिगत गोपनियतालाई उच्च प्राथमिकता र गम्भिरताका साथ लिएको छौं । हामी हाम्रा समस्त ग्राहकहरुको सम्पूर्ण निक्षेप रकम बैंकमा सुरक्षित रहेको जानकारी गराउँछौं,’।
बैंकले सामाजिक संजालमा प्रकाशित भ्रामक समाचारका पछि नलाग्न सम्पूर्ण ग्राहकहरुलाई अपिल गरेको छ ।
साथै, यस सम्बन्धि कुनै जिज्ञासा भएमा बैकको नजिकैको शाखा कार्यालयमा सम्पर्क गर्न पनि अनुरोध गरेको छ ।
वि.सं.२०८० जेठ ७ आइतवार २०:०५ मा प्रकाशित