काठमाडौं । मितेरी डेभलपमेन्ट बैंकले आफ्ना सेयरधनीहरुको खातामा लाभांश वितरण सुरु गरेको छ ।
कम्पनीको २०७९ पुस २७ गते सम्पन्न १७ औं वार्षिक साधारण सभाले पारित गरेको १२.३५ प्रतिशत बोनस सेयर वितरण गरेको हो । २०७९ पुस १३ गतेसम्म सेयर अभौतिकीकरण गराएका सेयरधनीहरुको बोनस सेयर हितग्राही खातामा जम्मा गरिएको कम्पनीले जनाएको छ ।
सो मिति पश्चात सेयर अभौतिकीकरण गराउने सेयरधनीको हकमा निजको हितग्राही खातामा उक्त बोनस सेयर क्रमशः जम्मा गरिदै जाने बताएको छ ।
हालसम्म सेयर अद्यावधिक नगराएका सेयरधनीहरुले सेयर रजिस्टार प्रभु क्यापिटल लिमिटेड वा आफुलाई पायक पर्ने नजिकको प्रभु बैंकको शाखा कार्यालय वा कुनै निक्षेप सदस्यहरुमार्फत हितग्राही खाता खोली सेयर डिम्याट गरी बोनस सेयर सिधै हितग्राही खातामा प्राप्त गर्न सकिने जनाएको छ ।
वि.सं.२०८० जेठ ९ मंगलवार १०:३२ मा प्रकाशित