काठमाडौं । बजेट पुँजीबजारलाई लिएर खासै सम्बोधन नभएपछि सेयर बजार नकारात्मक प्रभाव परेको छ।
मंगलबार सेयर बजारमा उच्च गिरावट आएको छ । उक्त दिन बजार ५३.१६ अंकले घटेर १८८८ को विन्दुमा कायम हुन पुगेको हो ।
उक्त दिन २ अर्ब ३४ करोड १७ लाख ७७ हजार रुपैंया बराबरको कारोबार भएको छ । आज नेप्सेमा कारोबार भएको २७५ कम्पनीको ७० लाख ७४ हजार २५५ कित्ता सेयर किनबेच भएको छ । आज नेप्सेमा रहेको सबै उपसूचकमा राताम्मै भएको छ ।
सेयर बजारमा गिरावट आउँदा श्वेत गंगा हाइड्रोपावरको सेयर मूल्य ९.२६ प्रतिशतले सेयर मूल्य घटेको छ । त्यसैगरी सिटिजन म्युचुअल फण्डको ९.१० प्रतिशत, सामुदायिक लघुवित्तको, ८.७२प्रतिशतले सेयर मूल्य घटेको छ ।
सरकारले बजेटमार्फत पुँजीगत लाभकर घटाउने अपेक्षा लगानीकर्ताको थियो। तर, बजेटमा पुँजीगत लाभकर यथावत राखिएको छ।
सरकारले बजेटमार्फत एफपीओ जारी गर्दा प्राप्त प्रिमियम तथा मर्जर र एक्विजिसनका क्रममा प्राप्त हुने बार्गेन गेनलाई बोनस सेयरका रुपमा वितरण गर्दा कर लाग्ने गरेको व्यवस्था गरेको छ। यसको लगानीकर्ताले चर्को विरोध गरेका छन्। यिनै कारणले लगानीकर्ताको मनोबल गिर्दा आज बजार प्रभावित जानकारहरु बताउँछन्।
वि.सं.२०८० जेठ १६ मंगलवार १५:२१ मा प्रकाशित