काठमाडौं, ३ असार । नेपाल स्टक एक्सचेन्ज (नेप्से)मा मेन्छियाम हाइड्रोपावरको शेयर कारोबार सुरु भएको छ । आज आइतबारको स्पेसल प्रि ओपन सेसनमा पहिलो कारोबार भई मूल्य तय भएसँगै कम्पनीको शेयर कारोबार सुरु भएको हो ।
कम्पनीको पहिलो कारोबार २३२ रुपैयाँमा भएको छ । नेप्सेले कम्पनीको पहिलो कारोबारको लागि ७७.४५ रुपैयाँ देखि २३२.३५ रुपैयाँ सम्मको रेन्ज तोकेको थियो ।
जेठ ३२ गते बिहिबार कम्पनीको ५४ लाख २५ हजार ८ सय ३३ कित्ता शेयर सुचिकृत भएको हो । कम्पनीको ‘एमसिएचएल’ सिम्बलबाट कारोबार भएको छ ।
वि.सं.२०८० असार ३ आइतवार १०:५७ मा प्रकाशित