काठमाडौं । आइएमई लाइफ इन्स्योरेन्सले पहिलो चरणको आइपीओ बाँडफाँड सम्पन्न गरेको छ । कम्पनीले पहिलो चरणमा वैदेशिक रोजगारीमा रहेका नेपालीहरुका लागि निष्काशन गरेको आइपीओ आज बाँडफाँड गरेको हो । उक्त आइपीओ बिक्री प्रबन्धक सिभिल क्यापिटलले बाँडफाँड गरेको हो ।
क्यापिटलका अनुसर आईपिओमा कुल २२ हजार ४ सय ४४ जनाको आवेदन परेको थियो । जस मध्ये २२ हजार ४ सय ३६ जना आवेदक शेयर पाउन योग्य भएका छन् ।
आईपिओमा ८० कित्तासम्मको लागि आवेदन दिने लगानीकर्ताले माग गरे बमोजिम कै शेयर पाएका छन् । त्यस्तै ८० कित्तादेखि १० हजार कित्तासम्मको लागि आवेदन दिने ७ हजार ५ सय २३ जनाले समान ८० कित्ताको दरले शेयर पाएका छन् । त्यस्तै ८० कित्तादेखि १० हजार कित्तासम्मको लागि आवेदन दिने ७ हजार ५ सय २३ जनाले समान ८० कित्ताको दरले शेयर पाएका छन् भने १ हजार ४ सय ८९ जनाले गोलाप्रथाबाट थप १० कित्ताका दरले शेयर पाएका छन् ।
कम्पनीले असार १ देखि असार १५ सम्म वैदेशिक रोजगारीमा रहेका नेपालीहरुका लागि १२ लाख कित्ता शेयर निष्काशन गरेको थियो । कम्पनीले शेयरको अंकित मूल्य १०० रुपैयाँमा १३६.९१ रुपैयाँ प्रिमियम थपेर प्रति कित्ता २३६.९१ रुपैयाँमा शेयर निष्काशन गरेको थियो ।
आइपीओको नतिजा हेर्नको लागि
१. बिक्री प्रबन्धकको वेबसाइट : https://www.civilcapitalmarket.com/
२. मेरो शेयरको वेबसाइट : http://meroshare.cdsc.com.np/#/login
३. सिडिएसको वेबसाइट : http://iporesult.cdsc.com.np/
वि.सं.२०८० असार २० बुधवार ०६:४५ मा प्रकाशित