काठमाडौं । शाइन रेसुंगा डेभलपमेन्ट बैंकले ५० हजार कित्ता सेयर बिक्रीमा ल्याएको छ।
बैंकले संस्थापक समूहको ५० हजार कित्ता सेयर आज साउन १० गतेदेखि बिक्रीमा ल्याएको हो। यो सेयरमा विद्यमान संस्थापक सेयरधनीसँगै जोकाही व्यक्ति तथा संस्थाले खरिद आवेदन दिन सक्नेछन्।
बिक्रीमा राखिएको सेयरको न्यूनतम मूल्य प्रतिकित्ता १६५ रुपैयाँ तोकिएको छ। लगानीकर्ताले न्यूनतम १ हजार कित्ताका लागि खरिद आवेदन दिनुपर्नेछ। अधिकतममा सम्पूर्ण कित्ताका लागि खरिद आवेदन दिन सकिनेछ।
लगानीकर्ताले धितोपत्र बिक्री प्रबन्धक एनआईसी एसिया क्यापिटलको थापाथलीस्थित कार्यालयमा खरिद आवेदन दिनुपर्नेछ। आवेदन दिने अन्तिम दिन साउन २६ गते रहेको छ।
वि.सं.२०८० साउन १९ शुक्रवार १०:३५ मा प्रकाशित
