काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २८.४० अंकले घटेर २०१९ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी आइएमई लाइफ इन्स्योरेन्सको कारोबार भएको छ । आज कम्पनीको १७ करोड ८९ लाख ३२ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्ट्सको ६ करोड ७८ लाख ३२ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन एभरेष्ट बैंकको ४ करोड ४३ लाख ३९ हजार रुपैयाँ, सिइडिबी हाइडेपावरको ४ करोड १८ लाख २३ हजार रुपैयाँ र सोल्टी होटलको ४ करोड ९ लाख ७२ हजार रुपैयाँको कारोबार भएको हो ।
वि.सं.२०८० साउन २३ मंगलवार १५:२१ मा प्रकाशित
