काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार २८.४० अंकले घटेर २०१९ को विन्दुमा कायम हुन पुगेको हो ।
मंगलबार सेयर बजारमा १ अर्ब ७३ करोड ७० लाख १४ हजार रुपैंया कारोबार भएको छ ।आज नेप्सेमा कारोबार भएको २६५ कम्पनीको ४८ लाख ६० हजार ७४१ कित्ता सेयर किनबेच भएको छ । आज नेप्सेमा रहेको सबै उपसूचक राताम्मै भएको छ ।
सेयर बजारमा गिरावट आउँदा ग्लोबल आइएमई बैंक डिबेञ्चरको सेयर मूल्य सर्वाधिक घटेको छ । कम्पनीको सेयर मूल्य ९ प्रतिशतले घटेको हो । त्यसैगरी, गोर्खाज फाइनान्सको ८.२४ प्रतिशत, विजय लघुवित्तको ६.९९ प्रतिशत, सबैको लघुवित्तको ६.७७ प्रतिशतले सेयर मूल्य घटेको छ ।
वि.सं.२०८० साउन २३ मंगलवार १५:४१ मा प्रकाशित
