काठमाडौं । भगवती हाइड्रोपावर डेभलपमेन्ट कम्पनीको आइपीओ बाँडफाँड भएको छ । धितोपत्र बिक्री प्रबन्धक सिद्धार्थ क्यापिटलको कार्यालयमा आज ९ बजे आईपीओ बाँडफाँड भएको हो ।
यस आईपीओमा कुल १३ लाख ८८ हजार ११५ जना आवेदकले १ करोड ५३ लाख ३ हजार ६५० कित्ता शेयर खरिदका लागि आवेदन दिएका छन् । जुन माग भन्दा २१.४८ गुणा बढी हो ।
मागभन्दा बढी आवेदन परेका कारण यो आईपीओ पनि गोलाप्रथाबाट बाँडफाँड भएको छ । जसमा २ हजार ३८९ आवेदकको आवेदन रद्ध भएको छ । रद्ध भएका आवेदनबाट ३५ हजार ६९० कित्ता माग भएको थियो ।
कुल सदर १३ लाख ६ हजार ६७७ आवेदकबाट १ करोड ४२ लाख ४० हजार ५५० कित्ता सेयर माग भएको थियो ।
कुल आवेदकमध्ये ७१ हजार २२२ जनालाई १०/१० कित्ताको दरले सेयर बाँडफाँड गरेको हो । उनीहरुले ७ लाख १२ हजार २२० कित्ता सेयर पाएका छन् । बाँकी १२ लाख ३५ हजार ४५५ आवेदक रित्तो हात भएका छन्
कम्पनीले सर्वसाधारणको लागि भदौ ५ देखि भदौ ८ गतेसम्म ७ लाख १२ हजार २२० कित्ता शेयरका निष्काशन गरेको थियो । कम्पनीले अंकित मूल्य १०० रुपैयाँमा १६ रुपैयाँ प्रिमियम थपेर प्रतिकित्ता ११६ रुपैयाँमा शेयर निष्काशन गरेको थियो ।
वि.सं.२०८० भदौ १८ सोमवार ०९:५१ मा प्रकाशित
