काठमाडौं । भगवती हाइड्रोपावर डेभलपमेन्ट कम्पनीको आइपीओ बाँडफाँड भएको छ । धितोपत्र बिक्री प्रबन्धक सिद्धार्थ क्यापिटलको कार्यालयमा आज ९ बजे आईपीओ बाँडफाँड भएको हो ।
यस आईपीओमा कुल १३ लाख ८८ हजार ११५ जना आवेदकले १ करोड ५३ लाख ३ हजार ६५० कित्ता शेयर खरिदका लागि आवेदन दिएका छन् । जुन माग भन्दा २१.४८ गुणा बढी हो ।
मागभन्दा बढी आवेदन परेका कारण यो आईपीओ पनि गोलाप्रथाबाट बाँडफाँड भएको छ ।
२ हजार ३८९ आवेदकको आवेदन रद्ध भएको छ । रद्ध भएका आवेदनबाट ३५ हजार ६९० कित्ता माग भएको थियो ।
कुल सदर १३ लाख ६ हजार ६७७ आवेदकबाट १ करोड ४२ लाख ४० हजार ५५० कित्ता सेयर माग भएको थियो ।
कुल आवेदकमध्ये ७१ हजार २२२ जनालाई १०/१० कित्ताको दरले सेयर बाँडफाँड गरेको हो । उनीहरुले ७ लाख १२ हजार २२० कित्ता सेयर पाएका छन् । बाँकी १२ लाख ३५ हजार ४५५ आवेदक खाली हात भएका छन् ।
आईपीओको अन्तिम नतिजा केहीबेरमा सार्वजनिक हुनेछ।
आईपीको नतिजा हेर्नका लागि
१. बिक्री प्रबन्धकको वेबसाइट : https://www.siddharthacapital.com/
२. मेरो शेयरको वेबसाइट : http://meroshare.cdsc.com.np/#/login
३. सिडिएसको वेबसाइट : http://iporesult.cdsc.com.np/
वि.सं.२०८० भदौ १८ सोमवार ०९:५६ मा प्रकाशित