काठमाडौं । माई खोला हाइड्रोपावर लिमीटेडले साधारण सभा बोलाएको छ । कम्पनीले आगामी असोज ९ गते काठमाडौको धुम्बाराहीस्थित लर्ड पार्टी भेन्यूमा साधारणसभा बोलाएको हो ।
सभामा यस कम्पनीले १ः१ (१०० प्रतिशत ) अनुपातमा हकप्रद सेयर जारी गर्ने प्रस्ताव पेश गर्नेछ । हाल कम्पनीको चुक्ता पुँजी ३९ करोड २१ लाख ५६ हजार ८०० रहेको छ ।
हकप्रदको एजेण्डा पारित भए कम्पनीलाई चुक्तापूँजी ६२ करोड ४२ लाख पुर्याउने बाटो खुल्नेछ ।
सभामा आर्थिक वर्ष २०७९/८० को वासलातमाथि छलफल गरी पारित गर्ने, लेखापरीक्षकको प्रतिवेदन पास गर्ने, सञ्चालक समितिले गरेका निर्णयहरु अनुमोदन गर्ने, कम्पनीको ठेगाना परिवर्तन गर्ने लगायतका अजेण्डाहरु पेश हुने जनाइएको छ ।
कम्पनीले साधारणसभा प्रयोजनका लागि असोज १ गतेलाई बुक क्लोज गर्ने भएको छ । यसर्थ भदौ मसान्तसम्म कायम सेयरधनी साधारणसभामा सहभागी हुन सक्नेछन् ।
वि.सं.२०८० भदौ १८ सोमवार १०:२५ मा प्रकाशित