काठमाडौं । साङ्गे विद्युत कम्पनी लिमिटेडले आइपीओ निष्कासन गर्ने भएको छ । सोही प्रस्ताव पारित गर्न कम्पनीले वार्षिक साधारण सभा बोलाएको हो । सभा असोज ९ गते यस कम्पनीको कार्यालय, त्रिपुरेश्वर, काठमाडौंमा बिहान ११ बजेदेखि अनलाइन मार्फत सुरु हुनेछ ।
सभामा कम्पनीले आइपीओ जारी गर्ने विशेष प्रस्ताव पेश गर्नेछ । यसका साथै, आर्थिक वर्ष २०७७/७८ र २०७८/७९ को नगद लाभांश (कर सहित) वितरण गर्ने सम्बन्धमा पनि प्रस्ताव पेश हुनेछ ।
आर्थिक वर्ष २०७७/७८ र २०७८/७९ को नाफा नोक्सान सम्बन्धी हिसाबका सम्बन्धमा छलफल हुनेछ । साथै, आर्थिक वर्ष २०७८/७९ र २०७९/८० का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहनेछ ।
सभा प्रयोजनका लागि कम्पनीले भदौ २६ गते बुक क्लोज गर्ने भएको छ । यसर्थ भदौ २५ गतेसम्म कायम सेयरधनी सभामा सहभागी हुन तथा लाभांश हात पार्न सक्नेछन् ।
वि.सं.२०८० भदौ १९ मंगलवार ११:४५ मा प्रकाशित
