काठमाडौं । सनराइज क्यापिटलले असोज १० गते वार्षिक साधारण सभा बोलाएको छ । सभा सनराइज क्यापिटल लिमिटेड, कमलपोखरी काठमाडौंमा बिहान १०ः३० बजे सुरु हुनेछ ।
कम्पनीले सेयरधनीहरुलाई करसहित ३० प्रतिशत नगद लाभांश वितरण गर्ने भएको छ ।सनराइज क्यापिटल र लक्ष्मी क्यापिटल मार्केट एक/आपसमा मर्ज हुुने सम्बन्धी प्रक्रिया पूरा गर्न सञ्चालक समितिलाई अख्तियारी दिने प्रस्ताव पनि रहेको छ ।
यस्तै, आर्थिक वर्ष २०७९/८० को सञ्चालक समितिको प्रतिवेदन, वासलात, नाफा नोक्सान लगायतका एजेन्डामा पनि छलफल हुनेछ । सभामा आर्थिक वर्ष २०८०/८१ का लागि लेखापरीक्षक नियुक्ति तथा पारिश्रमिक निर्धारण गर्ने एजेन्डा पनि पेश हुनेछ ।
वि.सं.२०८० भदौ २१ बिहीवार १२:११ मा प्रकाशित