काठमाडौं । एनआईसी एसिया बैंकले आफ्नो २६ औँ वार्षिक साधारणसभा डाकेको छ। नेपाल राष्ट्र बैंकले २९ प्रतिशत बोनस सेयरसहितको लाभांश वितरण गर्न स्वीकृति प्रदान गरेसँगै एनआईसी एसिया बैंकले वार्षिक साधारणसभा बोलाएको हो।
बैंक सञ्चालक समितिको आज बसेको बैठकले वार्षिक साधारणसभा यही असोज २८ गते बोलाउने निर्णय गरेको छ। सभा भद्रकालीको आर्मी अफिसर्स क्लब बिहान ९ बजेबाट सुरु हुनेछ।
सभाले गत आर्थिक वर्ष २०७९/८०का लागि प्रस्तावित चुक्तापुँजीको कुल ३०.५२६३ प्रतिशत लाभांश अनुमोदन गर्नेछ। कर प्रयोजनार्थ १.५२६३ प्रतिशत नगद लाभांश रहेका छन्।
प्रस्तावित लाभांश बैंकको वार्षिक साधारणसभाबाट अनुमोदन भएपछि सेयरधनीहरुले पाउनेछन्।लाभांश र वार्षिक साधारणसभा प्रयोजनार्थ बैंकले असोज १६ गतेदेखि असोज २८ गतेसम्म बुक क्लोज गर्ने निर्णय गरेको छ। यसर्थ असोज १५ गतेसम्म कायम सेयरधनीहरुमात्रै यो बैंकको लाभांश पाउन र सभामा भाग लिन सक्नेछन्।
वि.सं.२०८० असोज ५ शुक्रवार १४:१७ मा प्रकाशित