काठमाडौं । साताको पहिलो कारोबार दिन सेयर बजारमा दोहोरो अंकले गिरावट आएको छ । उक्त दिन बजार १९.४२ अंकले घटेर २०१० को विन्दुमा कायम हुन पुगेको हो ।
आज सेयर बजार घट्दा सबैभन्दा बढी माछापुच्छ्रे बैंकको कारोबार भएको छ । आज कम्पनीको १३ करोड २४ लाख ९८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सन नेपाल लाइफ इन्स्योरेन्सको ९ करोड ७३ लाख ६१ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन शिभम् सिमेन्टको ९ करोड १२ लाख ९६ हजार रुपैयाँ, एनआइसी एशिया बैंकको ८ करोड ७५ लाख ५१ हजार रुपैयाँ र हिमाल दोलखा हाइड्रोपावरको ७ करोड ६९ लाख ९८ हजार रुपैयाँको कारोबार भएको हो ।
वि.सं.२०८० असोज ७ आइतवार १५:११ मा प्रकाशित
