काठमाडौं । साताको दोस्रो कारोबार दिन सेयर बजारमा गिरावट आएको छ । उक्त दिन बजार ५.८९ अंकले घटेर २००४ को विन्दुमा कायम हुन पुगेको हो ।
सोमबार सेयर बजारमा १ अर्ब ५६ करोड ५५ लाख ७३ हजार रुपैंया कारोबार भएको छ । आज नेप्सेमा कारोबार भएको २८४ कम्पनीको ६५ लाख १६ हजार ६ कित्ता सेयर किनबेच भएको छ ।आज नेप्से उपसमूहमा रहेका ११ वटा समूहमा राताम्मै भएको छ।
आज म्युचुअल फण्ड ०.३८ तथा हाइड्रोपावर उपसूचक ०.९२ प्रतिशतले बढेको छ । आज इन्भेष्टमेन्ट उपसूचक सर्वाधिक ०.९५ प्रतिशतले घटेको छ ।
सेयर बजारमा गिरावट आउँदा शुभम् पावर लिमिटेड र थ्रीस्टार हाइड्रोपावरको सेयरमा नकरात्मक सर्किट लाएको छ । कम्पनीहरुको सेयर मूल्य १० प्रतिशतले घटेको छ । त्यसैगरी, अपर लोहरे खोला हाइड्रोपावरको ९.९० प्रतिशत, स्वरोजगार लघुवित्तको ७.७२ प्रतिशत, एनएमबि माइक्रोफाइनान्सको ३.८२ प्रतिशतले सेयर मूल्य घटेको छ ।
वि.सं.२०८० असोज ८ सोमवार १५:२१ मा प्रकाशित