काठमाडौं । वाणिज्य बैंकहरुले चालु आर्थिक वर्षको पहिलो महिनाको वित्तीय विवरण सार्वजनिक गरेका छन्। सार्वजनिक विवरण अनुसार बैंकहरुले साउन महिनामै साढे ८ अर्ब रुपैयाँभन्दा बढी खुद नाफा कमाएका छन् ।
नेपाल राष्ट्र बैंकको तथ्यांक अनुसार साउन महिनामा २० वटा वाणिज्य बैंकहरुले कुल ८ अर्ब ५२ करोड २४ लाख ९८ हजार रुपैयाँ खुद नाफा कमाएका छन् ।यसअवधिमा सबैभन्दा धेरै नाफा ग्लोबल आइएमई बैंकको रहेको छ । बैंकले ९९ करोड २३ लाख रुपैयाँभन्दा बढी नाफा कमाएको छ । यस्तै, दोस्रोमा नबिल बैंकले ७५ करोड ५५ लाख र तेस्रोमा नेपाल इन्भेष्टमेन्ट मेगा बैंकले ७४ करोड ७९ लाख रुपैयाँ खुद नाफा कमाएको छ ।
यस अवधिमा सबैभन्दा कम नाफा कमाउनेमा भने नेपाल एसबीआई बैंक रहेको छ । यसले १६ करोड ५ लाख रुपैयाँ मात्र नाफा कमाएको छ ।
त्यसैगरी, हिमालयन बैंकले ६३ करोड १२ लाख रुपैंया, कुमारी बैंकले ५७ करोड ७१ लाख रुपैंया, राष्ट्रिय वाणिज्य बैंकले ४४ करोड ७० लाख रुपैंया, प्राइम कमर्सियल बैंकले, ४२ करोड ४८ लाख रुपैंया, लक्ष्मी सनराइज बैंकले ४१ करोड ५४ लाख रुपैंया, एनआइसी एशिया बैंकले ३८ करोड ४६ लाख रुपैंया नाफा कमाएको छ ।
त्यस्तै, यस अवधिमा एनएमबि बैंकले ३८ करोड ३१ लाख रुपैंया, एभरेष्ट बैंकले ३६ करोड ७६ लाख रुपैंया, नेपाल बैंकले ३६ करोड ४ लाख रुपैंया, कृषि विकास बैंकले ३३ करोड १६ लाख रुपैंया, प्रभु बैंकले २९ करोड ९८ लाख रुपैंया, सिद्धार्थ बैकले २९ करोड ९६ लाख रुपैंया, स्टान्डर्ड चार्टड बैंकले २५ करोड ७८ लाख रुपैंया, सानिमा बैंकले २५ करोड १९ लाख रुपैंया, सिटिजन बैंकले २४ करोड ७६ लाख रुपैंया, माछापुच्छ्रे बैंकले १८ करोड ८६ लाख रुपैंया नाफा कमाएको छ ।
वि.सं.२०८० असोज ८ सोमवार १७:२१ मा प्रकाशित