काठमाडौं । साताको अन्तिम कारोबार दिन सेयर बजारमा गिरावट आएको छ । उक्त दिन बजार ११.०४ अंकले घटेर १९५६ को विन्दुमा कायम हुन पुगेको हो ।
बिहीबार सेयर बजारमा १ अर्ब १० करोड ६५ लाख १९ हजार रुपैंया कारोबार भएको छ । आज नेप्सेमा कारोबार भएको २८० कम्पनीको ३५ लाख ६२ हजार ६२४ कित्ता सेयर किनबेच भएको छ ।आज नेप्से उपसमूहमा रहेका म्युचुअल फण्ड बाहेक सबै समूहमा राताम्मै भएको छ।
सेयर बजारमा गिरावट आउँदा इन्फिनिटी लघुवित्तको सेयर मूल्य सर्वाधिक घटेको छ । कम्पनीको सेयर मूल्य ९.९४ प्रतिशतले घटेको छ । त्यस्तै मध्यभोटेकोशी जलविद्युतको ६.४६ प्रतिशत, सिवाइसी लघुवित्तको ५.३१ प्रतिशत, सामुदायिक लघुवित्तको ४.२८ प्रतिशतले सेयर मूल्य घटेको छ ।
वि.सं.२०८० असोज १८ बिहीवार १५:२१ मा प्रकाशित