काठमाडौं । एनआइसी एसिया बैंकको साधारण सभा आज असोज २८ गते बस्दैछ ।
बैंकले गत वर्षको नाफाबाट २९ प्रतिशत बोनस सेयर र कर प्रयोजनका लागि १.५२ प्रतिशत नगद लाभांश गरी कुल ३०.५२ प्रतिशत लाभांश दिने घोषणा गरेको थियो । सभामा बैंकले सोही लाभांश वितरण प्रस्ताव पेश गर्नेछ ।
साधारण सभा प्रयोजनका लागि बैंकले असोज १६ गतेदेखि आज २८ गतेसम्म बुक क्लोज पनि गरेको छ । यसर्थ, असोज १५ गतेसम्म कायम रहने सेयरधनी मात्र सभामा भाग लिन र प्रस्तावित लाभांश पाउन सक्नेछन् । सभा आर्मी अफिसर्स क्लब भद्रकाली, काठमाडौंमा बिहान ९ बजेबाट सुरु हुनेछ ।
वि.सं.२०८० असोज २८ आइतवार ०७:२४ मा प्रकाशित