काठमाडौं । एभरेष्ट बैंकको लाभांश प्रस्ताव पारित गर्न आज मंगलबार असोज ३० गते साधारण सभा बस्दैछ । बैंकले १० प्रतिशत बोनस सेयर र कर प्रयोजनसहित १०.५३ प्रतिशत नगद गरी कुल २०.५३ प्रतिशत लाभांश वितरण गर्ने प्रस्ताव सभामा पेश गर्नेछ ।
बैंकले प्रस्तावित बोनस सेयर जारी भएपश्चात पुँजीवृद्धि हुने भएकोले सोहीबमोजिम संशोधन गर्ने विशेष प्रस्ताव पनि पारित गर्नेछ। संस्थापक सेयरधनीहरुका तर्फबाट सञ्चालक समितिमा नियुक्त भएका सञ्चालकको नियुक्ति सभाले अनुमोदन गर्नेछ।
सभाले उक्त आर्थिक वर्षको वार्षिक तथा लेखापरीक्षकको प्रतिवेदन पनि पारित गर्नेछ। लाभांश र सभा प्रयोजनका लागि बैंकले यही असोज १६ गते बुक क्लोज गर्ने निर्णय गरेको छ। यसर्थ असोज १५ गतेसम्म कायम सेयरधनीहरुमात्रै बैंकको लाभांश पाउन र सभामा भाग लिन सक्नेछन्।
वि.सं.२०८० असोज ३० मंगलवार ०७:१५ मा प्रकाशित
