काठमाडौं । नेपाली बजारमा सुनको भाउले दैनिक नयाँ रेकर्ड बनाउन थालेको छ।
नेपाल सुनचाँदी व्यवसायी महासंघका अनुसार आइतबार सुनको भाउ तोलामा १ हजार रुपैयाँले बढेको छ। उक्त दिन छापावाल सुन प्रतितोला १ लाख १७ हजार रुपैयाँ र तेजाबी सुन १ लाख १६ हजार ४५० रुपैयाँ कायम भएको छ। यो भाउ हालसम्मकै उच्च हो।
गत शुक्रबार पनि सुनको भाउ तोलामा ५०० रुपैयाँले बढेको थियो। सो दिन छापावाल सुन प्रतितोला १ लाख १६ हजार रुपैयाँ र तेजाबी सुन १ लाख १५ हजार ४५० रुपैयाँमा कारोबार भएको थियो।
आज चाँदीको भाउ पनि तोलामा १५ रुपैयाँले बढेर १ हजार ४१५ रुपैयाँ कारोबार भएको छ। शुक्रबार तोलामा ५ रुपैयाँले बढेर चाँदी १ हजार ४०० रुपैयाँमा किनबेच भएको थियो।
वि.सं.२०८० कात्तिक १२ आइतवार ११:०३ मा प्रकाशित