काठमाडौं । माण्डू हाईड्रोपावरले लाभांश घोषणा गरेको छ । कम्पनीको गत कात्तिक १६ गते बसेको सञ्चालक समितिको बैठकले नगद लाभांश वितरण गर्ने निर्णय गरेको हो ।
कम्पनीले गत आर्थिक वर्ष २०७९/८० को मुनाफाबाट चुक्तापूँजीको १० प्रतिशत (करप्रयोजसहित) वितरण गर्ने घोषणा गरेको हो ।
कम्पनीको सोही दिन बसेको सञ्चालक समितिको बैठकले मंसिर ८ गते १२ औं वार्षिक साधारणसभा गर्ने निर्णय गरेको हो ।
सभा ठमेल, काठमाडौंमा विहान ११बजे बस्नेछ । सभाले गत आवको आयव्यय विवरण, वार्षिक प्रतिवेदन तथा वासलात,लेखापरीक्षकको प्रतिवेदन पारित गर्ने छ। यसैगरी सभाले सर्वसाधारण समूहबाट एक जना सञ्चालकको निर्वाचन तथा संस्थापकतर्फ सञ्चालक नियुक्ति अनुमोदन गर्ने छ।कम्पनीले केहि महिना अघि मात्र आईपीओ निष्कासन गरेको थियो ।
वि.सं.२०८० कात्तिक १७ शुक्रवार १३:१५ मा प्रकाशित