काठमाडौं । हिमालयन बैंकले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण सार्वजनिक गरेको छ।
चालु आर्थिक वर्षको पहिलो त्रैमाससम्म १ अर्ब ५ करोड ६१ लाख रुपैयाँ खुद नाफा आर्जन गरेको छ । यो गत वर्षको यसैअवधिको भन्दा ९८.३५ प्रतिशतले धेरै हो । गत वर्ष बैंकल ५३ करोड २४ लाख रुपैयाँ नाफा कमाएको थियो ।
साथै, समीक्षा अवधिसम्म यस बैंकले ३ अर्ब १७ करोड रुपैयाँ खुद ब्याज आम्दानी गरेको छ । यो गत वर्षको भन्दा ७५.८६ प्रतिशतले धेरै हो । गत वर्ष यसको खुद ब्याज आम्दानी १ अर्ब ८० करोड रुपैयाँ रहेको थियो । त्यसैगरी, सञ्चालन नाफा ९१.०४ प्रतिशतले बढेर १ अर्ब ५० करोड पुगेको छ । गत वर्ष उक्त नाफा ७८ करोड ९४ लाख रुपैयाँ रहेको थियो ।
बैंकले इम्पेयरमेन्ट चार्ज बापत ७५ करोड ६६ लाख रुपैयाँ छुट्याएको छ । गत वर्ष ६५ करोड ८९ लाख रुपैयाँ उक्त शीर्षकमा छुटयाएको थियो । खराब कर्जा बढ्दा यसको इम्पेयरमेन्ट चार्ज पनि बढेको हो । गत वर्ष २.३१ प्रतिशत रहेको यसको खराब कर्जा अहिले बढेर ४.६७ प्रतिशत पुगेको छ । समिक्ष अवधिमा बैंकको वितरणयोग्य नाफा भने १ अर्ब १६ करोड रुपैयाँ ऋणात्मक छ ।
हाल यस बैंकको चुक्ता पुँजी २१ अर्ब ६५ करोड रुपैयाँ रहेको छ । यसको जगेडाकोषमा १७ अर्ब ७ करोड रुपैयाँ जम्मा रहेको छ । यसको प्रतिसेयर आम्दानी ३ रुपैयाँ ९ पैसाले बढेर १९ रुपैयाँ ५१ पैसा कायम भएको छ । बैंकको प्रतिसेयर नेटवर्थ १७० रुपैयाँ २७ पैसा रहेको छ ।
वि.सं.२०८० कात्तिक १७ शुक्रवार १५:३६ मा प्रकाशित