काठमाडौं । साताको पहिलो कारोबार दिन सेयर बजारमा गिरावट आएको छ । उक्त दिन बजार २१.४६ अंकले घटेर १८२६ को विन्दुमा कायम हुन पुगेको हो ।
आज नेप्सेमा कारोबार भएको २८९ कम्पनीको ३५ लाख ५८ हजार ५५४ कित्ता सेयर किनबेच हुँदा ९७ करोड २३ लाख ६७ हजारको कारोबार भएको छ । बजारमा गिरावट आएसँगै १२ वटा उपसूचकमा राताम्मै भएको छ ।
सेयर बजारमा गिरावट आउँदा हिमालयन लघुवित्तको सेयरमा नकरात्मक सर्किट लाएको छ । कम्पनीको सेयर मूल्य १० प्रतिशतले घटेको छ । त्यसैगरी, बाराही हाइड्रोपावर पब्लिकको ७.९८ प्रतिशत, यूनाइटेड इदि मार्दी हाइड्रोपावरको ६.७६ प्रतिशत, नबील ब्यालेन्स्ड फण्ड २ को ५.७३ प्रतिशत र सबैको लघुवित्तको ५.५६ प्रतिशतले सेयर मूल्य घटेको छ ।
वि.सं.२०८० कात्तिक १९ आइतवार १५:१५ मा प्रकाशित
