काठमाडौं । आइएमई लाइफ इन्स्योरेन्सले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण सार्वजनिक गरेको छ ।
प्रकाशित विवरण अनुसार कम्पनीले १३ करोड ३ लाख रुपैयाँ नाफा कमाएको छ । यो गत वर्षको यसै अवधिको तुलनामा ७६.२१ प्रतिशतले धेरै हो । गत वर्ष इन्स्योरेन्सले ७ करोड ३९ लाख रुपैयाँ नाफा आर्जन गरेको थियो ।
समिक्षा अवधि सम्ममा कम्पनीले लगानी तथा कर्जाबाट असोजसम्ममा ३१ करोड ७४ लाख रुपैयाँ आम्दानी गरेको छ । यो गत वर्षको भन्दा १००.२३ प्रतिशतले धेरै हो । गत वर्ष कम्पनीले १५ करोड ८५ लाख आम्दानी गरेको थियो ।
यसको कुल दावी भुक्तानी पनि १२०.१६ प्रतिशतले बढेर ६२ करोड १४ लाख रुपैयाँ कायम भएको छ । गत वर्ष यसले २८ करोड २२ लाख रुपैयाँ कुल दावी आर्जन गरेको थियो । यस अवधिसम्ममा कम्पनीले १ अर्ब ३ करोड रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा २३.३२ प्रतिशतले कम हो ।
गत वर्ष इन्स्योरेन्सले ८४ करोड ३१ लाख रुपैयाँ बराबरको बिमा शुल्क आर्जन गरेको थियो । हाल यस इन्स्योरेन्सको चुक्ता पुँजी ४ अर्ब रुपैयाँ रहेको छ भने यसको रिटेन अर्निङमा ६६ करोड रुपैयाँ छ । कम्पनीको प्रतिसेयर आम्दानी भने ८ रुपैयाँ १ पैसाले घटेर १३ रुपैयाँ ० ४ पैसा कायम भएको छ । गत वर्ष प्रतिसेयर आम्दानी २१ रुपैयाँ १४ पैसा रहेको थियो । यसको प्रतिसेयर नेटवर्थ भने १७१ रुपैयाँ ९९ पैसा रहेको छ ।
वि.सं.२०८० कात्तिक २४ शुक्रवार ११:४३ मा प्रकाशित
