काठमाडौं । काठमाडौं उपत्यका ट्राफिक प्रहरी कार्यालयले भोली मंसिर ७ गते बिहीबार अत्यावश्यक काममा मात्र सवारी साधन लिएर निस्कन सर्वसाधारणलाई आग्रह गरेको छ । आज एक सूचना जारी गर्दै बिहीबार अत्यावश्यक काममा मात्र सवारी साधन लिएर निस्कन अनुरोध गरेको हो ।
काठमाडौँ उपत्यकाका विभिन्न स्थानहरूमा विभिन्न समूहले र्याली र जुलुसका साथै विरोध प्रदर्शन गर्ने भएकाले काठमाडौँ उपत्यका भरी सवारी आवागमनमा असहजता सिर्जना हुन सक्ने
कार्यालयको भनाई छ । मंसिर ७ गते बिहीबार एकैदिन दुर्गा प्रसाई र नेकपा एमालेको युवा संघ नेपालले काठमाडौं केन्द्रित विरोध प्रदर्शन गर्न लागेका हुन् ।
ट्राफिक प्रहरीले सडकमा निस्कन पूर्व १०० वा १०३ मा टेलिफोन गर्न र ट्राफिक एफ.एम ९५.५ मेगाहर्ज सुनी सडकको अवस्थाको जानकारी लिएर मात्र निस्कन आग्रह गरेको छ ।
वि.सं.२०८० मंसिर ६ बुधवार १६:२४ मा प्रकाशित