काठमाडौं । स्वावलम्बन लघुवित्त वित्तीय संस्थाले साधारणसभा बोलाएको छ। लघुवित्तले पुस ४ गते विहान ११ बजे २२ औ साधारणसभा बोलाएको हो।
सभामा लघुवित्तले हाल कायम चुक्ता पूँजीको १२.३५९९ प्रतिशत बोनस शेयर रहेको छ भने ०.६५०५ प्रतिशत कर प्रयोजनार्थ नगद लाभांश गरी जम्मा १३.०१ प्रतिशतका दरले लाभांश वितरण गर्ने घोषणा गरेको छ।
यसैगरी सभामा अन्य लघुवित्तसँग मर्जरमा जानको लागि बाटो खुल्ला गर्ने प्रस्ताव रहेको छ। त्यस्तै, एक वा एकभन्दा बढी लघुवित्त वित्तीय संस्थासँग मर्जर तथा प्राप्ति गर्नको लागि आवश्यक सम्पुर्ण कार्य गर्न सञ्चालक समितिलाई अख्तियारी दिने भएको छ।
साधारणसभा प्रयोजनको लागि लघुवित्तले मंसिर २२ गते बुकक्लोज गर्ने भएको छ। यसर्थ, मंसिर २१ गतेसम्म कायम शेयरधनीले सभामा भाग लिन र कम्पनीले वितरण गर्ने लाभांश पाउन सक्नेछन्।
वि.सं.२०८० मंसिर १३ बुधवार ११:२९ मा प्रकाशित