काठमाडौं । नेपाल हाइड्रो डेभलोपरले लाभांश घोषणा गरेको छ । कम्पनीले गत वर्षको नाफाबाट ७ प्रतिशत बोनस सेयर र कर प्रयोजनको लागि ०.३७ प्रतिशत नगद लभांश गरि जम्मा ७.३७ प्रतिशत लाभांश दिने भएको छ ।
सोही लाभांश पारित गर्न कम्पनीले पुस १२ गते आफ्नो १७ औं वार्षिक साधारणसभा बोलाएको छ। सभा बिहान ११ बजे काठमाडौंको लिसारा रिसेप्सनमा बोलाएको हो ।
साथै, सभामा आर्थिक वर्ष २०७९/८० को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०८०/८१ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ ।
सभा प्रयोजनका लागि कम्पनीले मंसिर २५ गते बुक क्लोज गर्ने भएको छ । यसर्थ मंसिर २४ गतेसम्म कायम रहने सेयरधनीले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८० मंसिर १७ आइतवार ०९:५७ मा प्रकाशित