काठमाडौं । बन्दीपुर केबलकार एन्ड टुरिजम लिमिटेडले आइपीओ निष्काशन गर्ने भएको छ । सोही प्रस्ताव सहित कम्पनीले पुस १४ गते तेस्रो वार्षिक साधारण सभा बोलाएको हो ।
सभा बन्दीपुर परियोजना प्राङ्गण, केबलकार चोक, बन्दीपुर-४, तनहूँमा बिहान ११ बजे सुरु हुनेछ । सभामा कम्पनीले सर्वसाधारणका लागि आइपीओ निष्कासन गर्ने प्रस्ताव पेश गर्नेछ ।
साथै, आर्थिक वर्ष २०७९/८० को वार्षिक प्रतिवेदन, नाफा नोक्सान, नगद प्रवाह विवरण लगायत वित्तीय विवरण उपर छलफल हुनेछ । त्यसैगरी, आर्थिक वर्ष २०८/८१ का लागि लेखापरीक्षक नियुक्त गर्ने लगायतका प्रस्तावहरु उक्त सभाले पारित गर्नेछ ।
वि.सं.२०८० मंसिर १८ सोमवार १५:५१ मा प्रकाशित
