काठमाडौं । साताको दोस्रो कारोबार अर्थात सोमबार शेयर बजारमा गिरावट आएको छ । उक्त दिन बजार ३.४२ अंकले घटेर १८४७ को विन्दुमा कायम हुन पुगेको हो ।
आज नेप्सेमा कारोबार भएको २९२ कम्पनीको ३८ लाख ९६ हजार २८७ कित्ता सेयर किनबेच हुँदा १ अर्ब १९ करोड ७२ लाख ५७ हजारको कारोबार भएको छ । बजारमा गिरावट आएसँगै आठ वटा उपसूचकमा राताम्मै भएको छ ।
सेयर बजारमा गिरावट आउँदा माउन्टेन इनर्जी लिमिटेड, र एनआरएन इन्फ्रास्ट्रक्चर बैंकको सेयरमा नकरात्मक सर्किट लाएको छ । कम्पनीहरुको सेयर मूल्य ९.९९ प्रतिशतले घटेको छ । त्यसैगरी, एसबिआई डिबेञ्चरको ५.८७ प्रतिशत, इङ्वा हाइड्रोपावरको ५.५१ प्रतिशत, इमर्जिङ नेपालको ४.११ प्रतिशतले सेयर मूल्य घटेको छ ।
वि.सं.२०८० मंसिर १८ सोमवार १५:१९ मा प्रकाशित
