काठमाडौं । लाभांशको सिजन चलिरहेको छ । कम्पनीहरुले धमाधम लाभांश घोषणा गरिरहेका छन् । यसै बीच आज मंसिर २५ गते सोमबार थप तीन लघुवित्तसहित चार कम्पनीहरुले लाभांश घोषणा गरेका छन् ।
समता घरेलु लघुवित्त
समता घरेलु लघुवित्त वित्तीय संस्थाको मंसिर २४ गते बसेको सञ्चालक समितिको बैठकले हाल कायम चुक्तापूँजीको ५.४२२२ प्रतिशत बोनस सेयर र कर प्रयोजनको लागि ०.२८५४ प्रतिशत नगद लाभांश गरि कुल ५.७०७६ प्रतिशत लाभांश वितरण गर्ने घोषणा गरेको हो ।
अब उक्त लाभांश नेपाल राष्ट्र बैंकले स्वीकृति र कम्पनीको आगामी साधारणसभाले पारित गरेपछि सेयरधनीले पाउने छन्।
ग्लोबल आइएमई लघुवित्त
ग्लोबल आइएमई लघुवित्त को मंसिर २४ गते बसेको सञ्चालक समितिको बैठकले गत आर्थिक वर्ष २०७९/०८० को मुनाफाबाट सेयरधनीलाई १० प्रतिशत नगद लाभांश (करप्रयोजनसमेत) वितरण गर्ने घोषणा गरेको हो ।
प्रस्तावित लाभांश नेपाल राष्ट्र बैंकको स्वीकृति र कम्पनीको आगामी साधारण सभाले पारित गरेपछि सेयरधनीले प्राप्त गर्न सक्नेछन् ।
आत्मनिर्भर लघुवित्त
आत्मनिर्भर लघुवित्तको मंसिर २४ गते बसेको सञ्चालक समितिको बैठकले गत आर्थिक वर्ष २०७९/०८० को मुनाफाबाट सेयरधनीलाई १० प्रतिशत बोनस सेयर र करप्रयोजनसहित ५ प्रतिशत नगद लाभांश गरी जम्मा १५ प्रतिशत लाभांश वितगर गर्ने घोषणा गरेको हो ।
प्रस्तावित लाभांश नेपाल राष्ट्र बैंकको स्वीकृति र कम्पनीको आगामी साधारण सभाले पारित गरेपछि सेयरधनीले प्राप्त गर्न सक्नेछन् ।
भगवती हाइड्रोपावर
भगवती हाइड्रोपावर डेभलपमेन्ट कम्पनी लिमीटेडले चुक्तापूँजीको १०.५२६३ प्रतिशत नगद लाभांश वितरण गर्ने भएको हो ।
सोही पस्तावसहित कम्पनीले २३ औं वार्षिक साधारणसभा बोलाएको छ । कम्पनीले पुस २४ गते काठमाडौंको नयाँ बानेश्वरस्थित अर्पण ब्यांक्वेटमा बिहान १० बजे साधारणसभा बोलाएको हो ।
वि.सं.२०८० मंसिर २५ सोमवार १७:१९ मा प्रकाशित
