काठमाडौं । आज मंसिर २७ गते बुधबार नेपाल इन्स्योरेन्स र मितेरी डेभलपमेन्ट बैंकको लाभांश सुरक्षित गर्ने अन्तिम दिन रहेको छ । दुवै कम्पनीले साधारण सभा प्रयोजनको लागि भोली मंसिर २८ गते बिहीबार बुक क्लोज गर्ने भएका छन् । यसर्थ यी दुई कम्पनीको लाभांश हात पार्न आजै सेयरधनी बन्नु पर्ने हुन्छ ।
नेपाल इन्स्योरेन्सले गत आर्थिक वर्षको नाफाबाट सेयरधनीलाई १० प्रतिशत बोनस सेयर र कर प्रयोजनका लागि ०.५२ प्रतिशत नगद गरी जम्मा १०.५२ प्रतिशत लाभांश वितरण गर्दैछ । सोही लाभांश पारित गर्न कम्पनीले पुस १३ गते वार्षिक साधारण सभा बोलाएको छ । सभा नेपाल प्रज्ञा प्रतिष्ठान कमलादी, काठमाडौंमा बिहान ११ बजे सुरु हुनेछ ।
त्यसैगरी, मितेरी डेभलपमेन्ट बैंकले गत वर्षको नाफाबाट ९.५० प्रतिशत बोनस सेयर र कर प्रयोजनका लागि ०.५० प्रतिशत नगद लाभांश गरी जम्मा १० प्रतिशत लाभांश वितरण गर्दैछ । उक्त लाभांश पारित गर्न यस पुस १४ गते वार्षिक साधारण सभा बोलाएको छ । सभा सुनसरी उद्योग वाणिज्य संघ, धरान–१, सुनसरीमा बिहान ११ बजेदेखि सुरु हुनेछ ।
वि.सं.२०८० मंसिर २७ बुधवार ०९:५५ मा प्रकाशित
