काठमाडौं । सांग्रिला डेभलपमेन्ट बैंकले पनि ब्याजदर घटाउने निर्णय गरेको छ । बैंकले आज मंसिर २७ गतेदेखि नै लागू हुनेगरी विभिन्न खातामा ब्याजदर घटाएको हो ।
बैंकले सार्वजनिक गरेको ब्याजदर अनुसार साधारण बचत खातामा न्यूनतम ४.८० प्रतिशतदेखि अधिकतम ६.८० प्रतिशतसम्म प्रदान गर्ने भएको छ । सुनौलो रेमिट्यान्स खातामा भने ७.८० प्रतिशत ब्याजदर तोकेको छ ।
यसअघि बैंकले साधारण बचत खातामा न्यूनतम ५.६० प्रतिशतदेखि अधिकतम ७.६० प्रतिशतसम्म ब्याजदर निर्धारण गरेको थियो भने सुनौलो बचत खातामा ८.६० प्रतिशत ब्याजदर तोकेको थियो ।
बैंकले मुद्दति निक्षेपमा संस्थागततर्फ ७.५५ प्रतिशतसम्म र ब्यक्तिगततर्फ ९.५५ प्रतिशतसम्म ब्याजदर निर्धारण गरेको छ ।
वि.सं.२०८० मंसिर २७ बुधवार १०:०२ मा प्रकाशित
