काठमाडौं । साताको पहिलो कारोबार दिन सेयर बजार दोहोरो अंकले बढेको छ । उक्त दिन बजार २७.७५ अंकले बढेर २०२२ को विन्दुमा कायम हुन पुगेको छ ।
आज सेयर बजारमा बढोत्तरी आउँदा सबैभन्दा बढी हिमाल दोलखा हाइड्रोपावर कम्पनीको कारोबार भएको छ । आज कम्पनीको २५ करोड १२ लाख ९० हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोनापुर मिनरल्सको १६ करोड ६५ लाख ५६ हजार हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन रिलायबल नेपाल लाइफ इन्स्योरेन्सको १६ करोड १५ लाख ३९ हजार रुपैयाँ, शिभम् सिमेन्टको १४ करोड ५ लाख २७ हजार रुपैयाँ र अरुण काबेली पावरको १२ करोड ९५ लाख ४८ हजार रुपैयाँको कारोबार भएको हो ।
वि.सं.२०८० पुस १ आइतवार १५:१३ मा प्रकाशित
