काठमाडौं । नेपाल बैंकको प्रमुख कार्यकारी अधिकृत(सीईओ) का लागि ५ जनाको नाम सर्टलिस्टका लागि छनौट भएको छ । खुला प्रतिस्पर्धात्मक प्रतियोगिताबाट पदपूर्ति गर्नका लागि १९ जना आवेदकबाट ५ जनाको नाम सर्ट लिष्टिङ गरेको बैंकले जनाएको छ ।
सर्टलिस्टमा परेकाहरुमा नेपाल बैंककी कामु सीईओ समता पन्त(भट्ट) समेत रहेकी छिन् ।सर्टलिस्टमा परेका अन्य उम्मेद्वारहरुमा अशोककुमार पौडेल, तिलकराज पाण्डेय, ध्रुवचन्द्र गौतम र लक्ष्मण पौडेल छन् ।
यसअघि नेपाल बैंकको सीइओ कृष्ण बहादुर अधिकारी रहेका थिए । अधिकारीको कार्यकाल असोजमा सकिएपछि बैंकले विज्ञापन प्रकाशित गरी नयाँ सीइओका लागि आवेदन खुला गरेको थियो ।
वि.सं.२०८० पुस २ सोमवार १२:५० मा प्रकाशित