काठमाडौं । लक्ष्मी सनराइज बैंकले साधारण सभा बोलाएको छ । सभा पुस २६ गते अग्रवाल भवन, कमलपोखरी काठमाडौंमा दिउँसो २ बजे बोलाएको हो ।
सभामा गत आर्थिक वर्षको नाफाबाट ७ प्रतिशत बोनस सेयर र कर प्रयोजनका लागि ०.३७ प्रतिशत नगद लाभांश वितरण गर्ने प्रस्ताव पेश हुनेछ । यस्तै, सञ्चालक समितिमा प्रतिनिधित्व गर्न संस्थापक समूहबाट २ र सर्वासाधारण समूहबाट पनि २ जना सञ्चालकहरुको निर्वाचन गर्ने प्रस्ताव पनि रहेको छ ।
बैंकले साधारण सभा र लाभांश वितरण प्रयोजनका लागि पुस १९ गते बुक क्लोज गर्ने भएको छ । यसर्थ, पुस १८ गतेसम्म कायम रहने सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८० पुस ५ बिहीवार ११:३६ मा प्रकाशित