काठमाडौं । सिडिएस एण्ड क्लियरिङ लिमीटेडले लाभांश प्रस्ताव गरेको छ ।
कम्पनीले आर्थिक वर्ष २०७९/८० को नाफाबाट सेयरधनीलाई १०० प्रतिशत नगद लाभांश वितरण गर्ने प्रस्ताव गरेको हो ।
१०० प्रतिशत लाभांश वितरणको प्रस्तावसहित कम्पनीले आगामी पुस २६ गते काठमाडौंको पुतलीसडकस्थित सेयर मार्केट्स कमर्सियल कम्प्लेक्सको दोश्रो तलामा १३ औं वार्षिक साधारणसभा बोलाएको छ ।
सभामा सञ्चालक समितिका अध्यक्षले प्रस्तुत प्रतिवेदनमाथि छलफल गरी पारित गर्ने प्रस्ताव रहेको छ । साथै,, आर्थिक वर्ष २०७९/८० को लेखारीक्षकको प्रतिवेदनसहित वासलात, नाफा नोक्सान हिसाब तथा नगद प्रवाह विवरण र सोसँग सम्बन्धित अनुसूचीमाथि छलफल गरी पारित गर्ने, चालु आर्थिक वर्षको लेखापरीक्षण गर्न महालेखापरीक्षक कार्यालयको सिफारिस मुताबिक लेखापरीक्षक नियुक्त गर्ने र निजको पारिश्रमिक तोक्ने लगायतका प्रस्तावहरु रहने छ ।
वि.सं.२०८० पुस ६ शुक्रवार १०:१७ मा प्रकाशित
