काठमाडौं । नेपाल राष्ट्र बैंकले आज विभिन्न ६७ पदमा कर्मचारी माग गरेको छ । बैंकले आज एक सूचना सार्वजनिक गर्दै विभिन्न प्रशासनिक तथा प्राविधिक पदमा खुला प्रतियोगिताद्वारा पदपूर्ति गर्नुपर्ने भएकोले कर्मचारी माग गरेको जानकारी दिएको छ ।
जसमा प्रशासन तर्फ ५० र प्राविधिक तर्फ १७ जनाका लागि दरखास्त खुलाएको हो ।योग्यता पुगेका इच्छिुक व्यक्तिहरुले तोकिएको दस्तुर तिरेर पुस २६ गते भित्र दरखास्त दिन सक्नेछन् । दोब्बर दस्तुर तिरेर माघ ४ गते भित्र आवेदन दिन पाउने व्यवस्था बैंकले गरेको छ ।
आवेदन नेपाल राष्ट्र बैंकको वेभसाइटमा गएर आजदेखिनै अनलाइनबाट भर्न पाइने व्यवस्था बैंकले गरेको छ।
वि.सं.२०८० पुस ६ शुक्रवार १०:०७ मा प्रकाशित
